पोस्ट्स
अवती भोवती बरच काही
लिहायला विषय भरपूर
पण काहीच उठवतात
मनातल्या मनात वादळ
असच काहीसं आताही
लिहावं बेधडक
सोपं नसतं हो शब्दांत गुंफने
मनाची पार चाळणीच होते
कित्तेक छिद्र त्यात
ओळखावे लागतात हो
धागे न तुटणारे, काही सुटणारे
गाळून काळजाचं पाणी
उकळून उकळून प्यावं लागतं
तहान भागतच नाही
लिहतच सुटतो बेधुंद
सुंदर ,कुरूप वेडेवाकडे
सगळं हवंहवंसं वाटतं
वेड लागल्यागत झालं
पार बुडालो आता
नाद सुटेल? वाटत नाही
हे मन तुटलेलं ,
आगीत लोळलेलं
कुणावर भाळलेलं
सुधारणार नाही
©धनराज भुमरे पाटील
कोणत्याही टिप्पण्‍या नाहीत:
टिप्पणी पोस्ट करा