चंद्रकला

__________________

तुझे रसाळ गोड बोलणे
वेड लावी या जीवाला
सुंदर खूप तू चंद्रकला
भुलवते तू कुणाकुणाला

अदा नखर्याची वेगवेगळी
नशा तुझ्या रंगात आहे
फुलासारखी तू मनमोहक
सुगंध तुझ्या अंगात आहे

हृदयाला स्पर्श करते तू थेट
हळुवार फिरवून नाजूक बोट
रसाळ किती मादक ओठ
घ्यावा त्याचा बस एकच घोट

मनमोकळे जगण्याची तू
जणू एक पाऊलवाट आहे
रखरखत्या उन्हात सखे
तू ग सावली घनदाट आहे
______________________
©धनराज भुमरे पाटील
२२/११/२०१८