पोस्ट्स
असा माझा बळीराजा
-------------------------------
निसर्गच त्याची शाळा
नका हो समजू भोळा
माया फार त्याची बघा
बैल तोच वंदी पोळा
नाम घोष ध्यानी मनी
विठू माऊलीचा लळा
पहाटे करे शेण पाणी
फुलवतो छान मळा
बघा कसा भरदार
रानी हाके बैल काळा
चाले नादात डौलत
वाजे घुंगराच्या माळा
हसे भरल्या पिकात
रानातले ते पाखरु
काळ्या आईचे लाडकं
जसं गाईचं वासरू
असा माझा बळीराजा
मोती असे त्याचे धान्य
घेती बेभाव सगळे
मोल नसे कुना मान्य
--------------------------------
©कवी-धनराज भुमरे पाटील
०१-०८-२०१८
मु.पो. पाचोड, ता. पैठण, जि. औरंगाबाद
मो-7218613434
कोणत्याही टिप्पण्या नाहीत:
टिप्पणी पोस्ट करा