पोस्ट्स
भटकंती (चित्रकाव्य)
_____________________
भटकंती चाले फार
कशी मिटेल तहान
दूर वाट झाली ती
पडली पावले लहान
कळेल का दुःख कुणा
अंगावर कपडा धड नाही
चिमुकले लेकरे वाहतात
भार त्यांना जड नाही
हिंडून रानोरानी खूप
तुटली वाहने पायातली
मिळाले ना पाणी सहज
संपली शक्ती कायेतली
चटके बसतात अंगाला
अन कोरडाच तो घसा
कुठे मिळेना सावली
हिरव्या झाडांचा वसा
बनवल्या सडका काळ्या
टाकले तोडून हिरवे वन
खरी प्रगती झाली कुणाची
भ्रष्टाचाराने तुटलेच मन
_____________________
२९ जानेवारी २०१७
©धनराज भुमरे पाटील (पाचोड)
7218613434
कोणत्याही टिप्पण्या नाहीत:
टिप्पणी पोस्ट करा