पोस्ट्स
रानातला श्रावण ....
वाजवत घंटी बैलगाडी चाले
वळणा वळणाची ही वाट
भरलेले रान , बाजूने कुपाट
खेळत्या थव्यांचे बघावे थाट
श्रावणात आता लागली हो
रानातली ओढ, कामाची घाई
चारायला घेऊन सोबत कुत्रा
बकऱ्या , म्हशी , अन गाई
सायकल, फटफटी , बैलगाडी
तर कुणी चालते पायी पायी
चप्पल तुटते चिखलात कधी
काट्यातून कसे चालायचं ग बाई
सालाने , महिन्याने, रोजाने
कुणी असते कामास सवडीने
एकटेम दुपारी सुट्टीचा त्यात
सोबत भाकर खातात आवडीने
©धनराज भुमरे पाटील
०१/०९/२०१८
7218613434
कोणत्याही टिप्पण्या नाहीत:
टिप्पणी पोस्ट करा