शुक्रवार, १४ डिसेंबर, २०१८

बाप शिव छत्रपती

जगी असा एकच तो
माझा राजा पराक्रमी
असा लढला शत्रूंशी
मुक्त केली मायभूमी

युक्ती लढण्याची खास
सगळेच तोडी पाश
रयतेचा पाठीराखा
करी शत्रूंचा तो नाश

थोर ती माता जिजाऊ
दिले संस्कार एकीचे
आशीर्वाद तो जमले
वीर मावळे नेकीचे

राजा सर्वाचा कैवारी
असे गीत गाते माती
आम्ही लेकरे त्याचीच
बाप शिव छत्रपती

©धनराज भुमरे पाटील
१५/१२/२०१८

कोणत्याही टिप्पण्‍या नाहीत:

टिप्पणी पोस्ट करा